JINSI YA KUZALISHA VIFARANGA WENGI KWA MUDA MCHACHE

KUTUMIA MIKOO KUATAMISHIA MAYAI.

Karibu Ndugu  katika somo hili na hii ni;

Sehemu 2.

Sehemu ya kwanza tuliona kuwawekea mikoo mayai hata kama hawajaanza kutaga kwa kuwafunika na tenga ,ili kesho yake uone ni yupi  atakaye toa mrejesho mzuri.

Katika  sehemu ya pili tunaongelea kutumia njia ya kuwa subirisha:

Ufugaji kuku hasa watu walio vijijini wana changamoto ya upatikanaji wa  machine za kutotolesha, na hivyo kuzalisha kuku wengi kwa muda mchache kwao huwa ni changamoto.

Hii hutokana na mawazo yao au mifumo wanayo tumia kulea Vifaranga, mfumo wa kuacha Vifaranga vilelewe na mama yao wengi huupenda,Ila ni moja ya mfumo unaochelewesha kuku kuzaliana.

Ndugu Mfugaji hata kama hauna machine ya kutotesha tambua  bado unao uwezo wa kukuza mradi wako.

Pia tambua na ujue siku zote kuwa Ufugaji unahitaji ubunifu zaidi ya ubunifu uwe na lengo na nia ya kuthubutu.

Kuna vitu unaweza ona vikifanywa na mfugaji kama kutengeneza mchwa , funza, fodder nk  ; ukamuona ni kama anajisumbua ila utakapo jua umuhimu wake tayari utakuwa umechelewa na huyo mfugaji kwako atakuwa ni mfano wa kuuiga.

Katika kutumia njia hizi ni lazima uwe na lengo , nia ya kuthubutu  ili ufanikishe; nani muhimu kutanza kumbukumbu idadi ya kuku, utagaji na matumizi ya matunzo.

Twende katika njia hiii ya kusubirisha , kwanza kabisa hii njia itakufanya upate Vifaranga wengi kwa pamoja  na jinsi ya kuvitunza kwenye chakula na chanjo inatakuwa ni rahisi.

Kuna watu hupata changamoto katika kuku kutotoa kwa kutofautiana siku , unaweza kuta Vifaranga hawa  wana siku 3 ,wale wana wiki , wengine wana siku 14. Kwahiyo hapo utapata changamoto kubwa kwenye kuwapa chanjo kama ulikuwa pamoja nami kuanzia sehemu ya kwanza mpaka hii ya pili natumaini utakuwa umesha pata mwanga jinsi ya kudhibiti changamoto hii.

SEHEMU YA PILI

_ Kuwa makini kuchunguza ili ujue kuku atakae anza kutaga

_ Andaa trey na sehemu safi isiyo na joto kwaajili ya kuhifadhi mayai

_Kuku  yeyote atakaye anza kutaga ili sehemu anapo taga weka yai vinza kisha mayai anayo taga kila siku uwe unayatoa na kuhifadhi kwenye trey

_Wakati wakushika mayai hakikisha mikono unapaka majivu au shika na kitambaa kisafi, kikavu kishicho na harufu ya mafuta

_ Kwenye kuhifadhi mayai hakikisha ile sehemu iliyo chongoka ndio inayo elekea chini

_Katika kuhifadhi mayai  weka kumbukumbu ili ujue mayai haya ya kuku fulani na alianza kutaga  siku fulani, kurahisisha hili kila mayai ya kuku fulani yaweke pekeyake ili iwe rahisi kukumbuka

_Kila kuku atakaye anza kutaga utafanya hivyo kutoa mayai

_Mpaka watakapo fika idadi ya kuku unao taka uwasubirishe ili watotoe pamoja

_Kuku yoyote atakaye anza kuatamia utaacha aatamie lile yai viza kwa muda ili awasubiri wenzake

_ Weka kumbukumbu siku walizo achana kuku wako kwenye kutaga kutoka wa kwanza hadi wa mwisho

_ Utakapo ona wote wameanze kuatamia , andaa viota vizuri kulingana na idadi ya kuku wako

_ Kwenye kuwawekea mayai , hapa ndio sehemu muhimu zaidi kuwa makini na kumbukumbu , yule kuku alie tumia muda mwingi kuwasubiri wenzake mayai yake unaweza ukayala tu .kwasababu yatakuwa yamekaa muda mrefu na hivyo yanaweza yasitotolewe. Hivyo ni vizuri huyo kuku umuekee mayai mengine kutoka kwa wenzake.

_Kuku utawawekea mayai kulingana na umbo  mayai 8,10,12 nk

_ Muda mzuri ni usiku kuku wote utawawekea mayai na wataanza kuatamia kwa pamoja

Siku ya kutotoa unaweza wawekea mayai mengine, hapo kazi ya kulea Vifaranga ni ya kwako

ZINGATIA: Maji na chakula viwepo karibu na viota vya kuku

Hakikisha kuku hawana wadudu wasumbufu kama utitiri,viroboto nk watakao wakosesha amani.

Nakutakia Ufugaji mwema

Mwisho wa somo hili ni mwanzo wa somo lingine

Whatsapp 0655610894
Gusa Hapa Kupakua App Ya Ufugaji Yakinifu Play Store
TEMBELEA BLOG HII KILA SIKU

from FUGA KIBIASHARA http://ift.tt/2AJ8fet